ព្រះបន្ទូលថ្ងៃនេះ

ព្រះអម្ចាស់អើយសូមទ្រង់តើនឡើង

ទំនុកដំកើង ៤៤:១-២៦

អ្នកនិពន្ធនេះបាននឹងរឿងដើម ដែលព្រះបានជួយសង្គ្រោះពួកឰយុកោរបស់ខ្លួន និងរឿងបច្ចុប្បន្ន ដែលព្រះបានសង្គ្រោះជាតិសាសន៍ខ្លួន។ គាត់ប្រកាសថា គាត់នឹងអួតតែនៅក្នុងព្រះជាម្ចាស់ប៉ុណ្ណោះ។ ហើយគាត់និយាយពីស្ថានភាពខ្លួន ដែលត្រូវគេបោះបង់ចោល ដូចជាសត្វចៀមសម្រាប់ធ្វើសាច់ តែគាត់បានសុំនូវការប្រោសលោះពីព្រះ។

តើព្រះជានរណា?

            ៤ ព្រះគឺជាស្ដេចដែលបានផ្ដល់ជ័យជំនះដល់យ៉ាកុប (អ៊ីស្រាអែល)។ ព្រះបានការពារ ហើយបានជួយសង្រ្គោះរាស្រ្តទ្រង់ពីការលំបាក។ ហើយទ្រង់បានក្លាយជាស្ដេចដ៏ស្មោះត្រង់របស់យើង។

គិត និង ស្វែងយល់

            អ្នកនិពន្ធបាននឹកចាំពីការងាររបស់ព្រះ ដែលបានធ្វើចំពោះឰយុកោរបស់ខ្លួនពីអតីតកាល។ មូលហេតុដែលអ៊ីស្រាអែលអាចមានជ័យជំនះជានិច្ចនោះ គឺដោយសារអំណាចរបស់ព្រះ តែបន្ទាប់ពីព្រះបានចាកចេញពីអ៊ីស្រាអែល នោះអ្នកនិពន្ធ និងរាស្រ្តរបស់ខ្លួនក៏ទទួលបរាជ័យ ហើយក្លាយជាអ្នកទោស និងមនុស្សដែលគេមើលងាយ (១-១៦)។ ទោះស្ថិតក្នុងស្ថានភាពនេះក្ដី ក៏អ្នកនិពន្ធមិនបានបំពានការសន្យាជាមួយព្រះ ហើយមិនបានអធិស្ឋានទៅរកព្រះផ្សេងឡើយ។ គាត់បានអធិស្ឋានទៅកាន់តែព្រះយេហូវ៉ាតែមួយប៉ុណ្ណោះ ហើយសុំដោយអស់ពីចិត្ត ឲ្យទ្រង់តើនឡើង ហើយជួយដល់អ៊ីស្រាអែល ដែលបានធ្លាក់ទៅក្នុងភាពវេទនា។ អ្នកនិពន្ធបានពឹងផ្អែកតែទៅលើសេចក្ដីស្រលាញ់ ដែលមិនចេះផ្លាស់ប្រែរបស់ព្រះប៉ុណ្ណោះ (១៧-២៦)។

តើព្រះកំពុងបង្រៀនអ្វីដល់ខ្ញុំ?

           ២៣-២៦ អ្នកនិពន្ធបានជឿថា កាលណាព្រះតើនឡើង នោះក្ដីមេត្តាករុណារបស់ទ្រង់ក៏សាយភាយដល់មនុស្សទាំងឡាយ ឯខ្លួនគាត់ដែលឱនដល់ធូលីដី ហើយនៅជាប់នឹងដីនោះ ក៏អាចងើបឡើងវិញដែរ។ ដូច្នេះទើបគាត់សុំការឆ្លើយតបរបស់ព្រះដោយទំនុកចិត្ត។ គាត់បានជឿលើការគិតទុកជាមុន និងព្រះចេស្ដារបស់ព្រះ ដែលលើសហួសពីការយល់ដឹងរបស់យើង។

អានគម្ពីរ៖ វិវរណៈ ១៩-២០

អធិស្ឋាន៖ ពេលខ្លះទ្រង់ផ្ដល់ដល់យើងខ្ញុំនូវការលំបាក ដែលមិនអាចយល់បាន។ តែយើងខ្ញុំជឿថា ទ្រង់ស្រលាញ់យើងខ្ញុំជានិច្ច។

©សម្ព័ន្ធព្រះបន្ទូលកូរ៉េ និងCTM

https://www.facebook.com/phnompenhjoychurch/?ref=hl