ព្រះបន្ទូលថ្ងៃនេះ

យ៉ូសែបកាត់យល់សប្តិពួកអ្នកទោសលោកុប្បត្តិ ៤០:៥-២៣

យ៉ូសែបបានកាត់យល់សប្តិរបស់អ្នកថ្វាយពែង និងអ្នកដុតនំ។ ការកាត់យល់សប្តិរបស់គាត់បានក្លាយជាការពិត ដោយមានម្នាក់បានទៅធ្វើការនៅក្នុងវាំងវិញ ឯម្នាក់ទៀតត្រូវគេសំឡាប់

គិត និងស្វែងយល់

ពេលយ៉ូបសែបបានទៅនៅក្នុងបន្ទប់ជាមួយអ្នកទោសទាំង២នាក់នោះ (៤) គាត់ក៏បានកាត់យល់សប្តិឲ្យគេ។ យ៉ូសែបដែលជាអ្នកយល់សប្តិនោះ (៣៧:១៩) ក៏បានក្លាយជាអ្នកកាត់យល់សប្តិទៅវិញ។ បីថ្ងៃក្រោយមក ការដែលយ៉ូសែបកាត់ស្រាយនោះ ក៏បានសម្រេច។ អ្នកថ្វាយពែងក៏បានទៅកាន់តួនាទីដើមវិញ ឯអ្នកដុតនំក៏ត្រូវគេសំឡាប់។ យ៉ូសែបបានសុំអ្នកថ្វាយពែងនោះនឹកចាំពីខ្លួន ហើយជួយគាត់ផង តែអ្នកថ្វាយពែងនោះ ក៏បានភ្លេចពីសំណូមពររបស់យ៉ូសែបភ្លាម (៥-២៣)។

តើព្រះកំពុងបង្រៀនអ្វីដល់ខ្ញុំ?

១៤-២៣ យ៉ូសែបបានសុំអ្នកថ្វាយពែងនោះថា ពេលគាត់បានត្រឡប់ទៅកាន់តួនាទីវិញ សូមនិយាយពីខ្លួនគាត់ និងភាពគ្មានទោសកំហុសរបស់គាត់ប្រាប់ផារ៉ោនផង។ យ៉ូសែបបានគិតថា នេះជាឱកាសដែលព្រះនឹងផ្ដល់ឲ្យ ដើម្បីបញ្ជាក់ពីភាពគ្មានទោសរបស់គាត់។ តែគំនិតរបស់ព្រះជ្រៅជាងគំនិតរបស់យ៉ូសែប គឺទ្រង់កំពុងត្រៀមឲ្យមានកិច្ចការធំ ដែលយ៉ូសែបស្មានមិនដល់។ ចូរពិចារណា ហើយប្រមើលមើលនូវមធ្យោបាយអាថ៌កំបាំងរបស់ព្រះ ដែលលើសហួសពីគំនិតរបស់យើង។

២០-២៣ ការយល់សប្តិរបស់អ្នកទាំង២ ក៏បានសម្រេចតាមការកាត់ស្រាយរបស់យ៉ូសែបមែន។ ជោគវាសនារបស់អ្នកទាំង២ត្រូវបានសម្រេចដោយព្រះ។ តាមរយៈការនេះ ជាការបង្ហាញថា អនាគត និងជីវិតរបស់គេស្ថិតនៅក្រោមព្រះ មិនមែននៅក្រោមផារ៉ោនទេ។ តើអនាគតរបស់យើងពឹងផ្អែកលើអ្នកណា?

អានគម្ពីរ៖ យ៉ូហាន ១៤-១៦

អធិដ្ឋាន៖ ព្រះដែលជាម្ចាស់នៃការយល់សប្តិរបស់យើងខ្ញុំអើយ យើងខ្ញុំសូមថ្វាយថ្ងៃនេះ និងថ្ងៃស្អែកដល់ទ្រង់ហើយ៕