ព្រះបន្ទូលថ្ងៃនេះ

ការសន្យានៅត្រង់បៀរ-សេបា

លោកុប្បត្តិ ៤៦:១-៧

ព្រះបានលេចមកឯយ៉ាកុប ដែលកំពុងធ្វើដំណើរទៅអេស៊ីព្ទ ហើយប្រាប់គាត់ថា ការធ្វើដំណើរទៅឯអេស៊ីព្ទរបស់គាត់នេះ មិនមែនមានន័យថា គាត់កំពុងតែមិនស្ដាប់បង្គាប់ ដោយចាកចេញពីទឹកដីសន្យានោះទេ តែថា វាជាដំណើរការនៃផែនការរបស់ទ្រង់ ដើម្បីសម្រេចការតាំងសញ្ញារបស់ទ្រង់។

តើព្រះជានរណា?

            ២-៤ ព្រះបានបង្គាប់យ៉ាកុបឲ្យទៅឯអេស៊ីព្ទ ហើយបានផ្ដល់ដល់គាត់នូវការសន្យា៤ នៅតាមផ្លូវ។ ការសន្យាទាំងនេះ គឺជាផ្នែកនៃការជួយឲ្យសម្រេចនូវការសន្យា ដែលព្រះបានផ្ដល់ឲ្យអ័ប្រាហាំ និងអ៊ីសាក​ ដែលថាទ្រង់នឹងស្អាងអ៊ីស្រាអែល ជានគរទ្រង់ឡើង។ ព្រះធ្វើការនេះតាមដំណើររបស់យ៉ាកុប និងជីវិតប្រចាំថ្ងៃរបស់យ៉ូសែប។

គិត និងស្វែងយល់

            យ៉ាកុបបានថ្វាយបង្គំព្រះនៅត្រង់បៀរ-សេបា តាមផ្លូវទៅអេស៊ីព្ទ។ ព្រះបានលេចមកឯយ៉ាកុបនៅទីនោះ ហើយផ្ដល់ការសន្យា៤ដល់គាត់ថា ព្រះនឹងធ្វើឲ្យគាត់ក្លាយជាជាតិសាសន៍ដ៏ធំមួយ ថាព្រះនឹងយាងទៅអេស៊ីព្ទជាមួយគាត់ ថាទ្រង់នឹងនាំពូជពង្សគាត់ត្រឡប់ទៅទឹកដីកាណានវិញ ហើយថាយ៉ូសែបនឹងនៅជាមួយគាត់ពេលគាត់ស្លាប់ (១-៤)។ យ៉ាកុបដែលបានទទួលការសន្យារបស់ព្រះនោះ ក៏បានរៀបចំគ្រប់ទាំងទ្រព្យសម្បត្តិ និងកូនរបស់ខ្លួនចេញដំណើរទៅស្រុកអេស៊ីព្ទដោយគ្មានការស្ទាក់ស្ទើរ (៥-៧)។

តើព្រះកំពុងបង្រៀនអ្វីដល់ខ្ញុំ?

            ៥-៧ ក្រោយពីបានឮព្រះបន្ទូលព្រះភ្លាម យ៉ាកុបក៏នាំគ្រួសារខ្លួនទៅអេស៊ីព្ទជាប្រញាប់។ យ៉ាកុបធ្លាប់មានពិសោធ និងភាពស្មោះត្រង់របស់ព្រះចំពោះការសន្យារបស់ទ្រង់នៅបេតអែល ទើបគាត់មានជំនឿលើការសន្យារបស់ព្រះនៅបៀរ-សេបាទៀត។ ដូចគ្នានេះដែរ ជំនឿរបស់យើងក៏មានការរីកចម្រើន តាមរយៈការពិសោធន៍ជាមួយព្រះក្នុងជីវិតយើងដែរ។ ចូរមានសង្ឃឹមថា នឹងបានជួបព្រះក្នុងជីវិតប្រចាំថ្ងៃរបស់យើងចុះ។

អានគម្ពីរ៖ រ៉ូម ៤-៥

អធិស្ឋាន៖ សូមឲ្យយើងខ្ញុំស្ដាប់ព្រះបន្ទូលទ្រង់ដោយប្រុងប្រយ័ត្ន ហើយសូមដឹកនាំយើងខ្ញុំគ្រប់ទាំងផ្លូវទាំងអស់។

©សម្ព័ន្ធព្រះបន្ទូលកូរ៉េ និង CTM