ព្រះបន្ទូលថ្ងៃនេះ

ព្រះយេស៊ូវ ជាអ្នកគង្វាលចៀមដ៏ធំ

ហេព្រើរ ១៣:១៨-២៥

នៅទីបញ្ចប់នេះ អ្នកនិពន្ធក៏បញ្ជាក់ម្ដងទៀតអំពីការងារប្រោសលោះ ដែលព្រះគ្រីស្ទបានធ្វើឲ្យសម្រេច ហើយប្រាប់ពីមូលហេតុ ដែលយើងត្រូវរស់នៅដោយសរសើរទ្រង់។

តើព្រះជានរណា?

            ២៥ ព្រះប្រទាននូវព្រះគុណដល់យើងរាល់គ្នា។ ព្រះគុណជាទង្វើនៃបំណងល្អ ដែលព្រះផ្ដល់ឲ្យដោយមិនបន្ទាបតម្លៃអស់អ្នកណា ដែលមិនសមនឹងទទួលវាឡើយ។ ចូរយើងខំប្រឹងឲ្យបានទទួលនូវព្រះគុណនេះ ក្នុងគ្រប់ផ្នែកនៃជីវិតយើង។ ហើយសង្ឃឹមថា ព្រះគុណនេះនឹងហូរចេញទៅអ្នកដទៃតាមរយៈអ្នករាល់គ្នា។

គិត និង ស្វែងយល់

            អ្នកនិពន្ធនេះបង្ហាញថា គាត់បានអនុវត្តដោយបញ្ញាចិត្តជ្រះថ្លា ឥតសៅហ្មង ហើយបានស្នើសុំឲ្យគេអធិស្ឋានឲ្យគាត់ (១៨-១៩)។ រួចមកគាត់បានសរសើរដល់ព្រះយេស៊ូវ និងថ្វាយសីរីល្អដល់ព្រះជាម្ចាស់។ នៅទីបញ្ចប់ ទោះជាគាត់បានសរសេរនូវពាក្យស្ដីបន្ទោស ជំរុញ និងដាស់តឿននៅក្នុងសំបុត្ររបស់គាត់ទៅកាន់ពួកអ្នកជឿនេះក្ដី ក៏គាត់បង្ហាញថា ចេតនារបស់គាត់ គឺចង់លើកទឹកចិត្តដល់គេដែរ។ គាត់ក៏បានផ្ដាំផ្ញើការសួរសុខទុក្ខដល់ពួកអញនកថ្វាយបង្គំព្រះ និងពួកអ្នកដឹកនាំទាំងនោះដែរ។ គាត់បញ្ចប់សំបុត្ររបស់ខ្លួន ដោយការអធិស្ឋានឲ្យព្រះគង់ជាមួយគេជានិច្ច (២០-២៥)។

តើព្រះកំពុងបង្រៀនអ្វីដល់ខ្ញុំ?

            ១៨-១៩ យើងត្រូវអធិស្ឋានឲ្យពួកអ្នក ដែលមានសេចក្ដីឧស្សាហ៍ក្នុងការបង្រៀនព្រះបន្ទូល។ ពួកគេជាមនុស្សដែលមានបញ្ញាចិត្តជ្រះថ្លាគ្រប់ផ្នែក ហើយព្យាយាមធ្វើឲ្យសម្រេចនូវគោលបំណងរបស់ព្រះ។ តើខ្ញុំជួយអធិស្ឋានកម្រិតណាដល់អ្នកដែលប្រកាសដំណឹងល្អ? ឬបើខ្ញុំជាអ្នកប្រកាសព្រះបន្ទូលព្រះ តើខ្ញុំមានការព្យាយាមកម្រិតណាក្នុងការអនុវត្តដោយសុចរិតក្នុងគ្រប់កាលៈទេសៈ?

អានគម្ពីរ៖ វិវរណៈ ៤-៥

អធិស្ឋាន៖ សូមឲ្យយើងខ្ញុំបម្រើក្រុមជំនុំ និងព្រះអម្ចាស់ នូវព្រះគុណដែលទ្រង់បានប្រទានដល់យើងខ្ញុំ ដើម្បីឲ្យយើងខ្ញុំអាចរស់ក្នុងជីវិតដែលទ្រង់សព្វព្រះទ័យ។

©សម្ព័ន្ធព្រះបន្ទូលកូរ៉េ និងCTM

https://www.facebook.com/phnompenhjoychurch/?ref=hl