ព្រះបន្ទូលថ្ងៃនេះ

ពីទន្លេនីលទៅរាជវាំង

និក្ខមនំ ២:១-១០

ឪពុកម្ដាយម៉ូសេ បានលាក់កូននោះទុកអស់ពេល៣ខែ  រួចក៏យកកូននោះទៅដាក់ក្នុងកូនទូក ធ្វើពីដើមបបុស ទៅបណ្ដែតទឹកកណ្ដាលគុម្ពត្រែងនាមាត់ទន្លេ។ ទារកម៉ូសេ ក៏ត្រូវបុត្រីស្ដេចផារ៉ោនឃើញ ហើយយកទៅចិញ្ចឹមធ្វើជាកូន។

តើព្រះជានរណា?

            ១-១០ ព្រះបានចិញ្ចឹមម៉ូសេ ដែលនឹងជួយសង្គ្រោះអ៊ីស្រាអែលនៅពេលក្រោយ តាមវិធីសាស្រ្តដែលគ្មាននរណានឹងស្មានដល់។ ព្រះធ្លាប់ដឹកនាំយ៉ូសែប តាមវិធីសាស្រ្ត ដែលគ្មាននរណាស្មានត្រូវ ដើម្បីជួយអ៊ីស្រាអែលឲ្យរួចផុតពីគ្រោះអត់ឃ្លានរួចមកហើយ។ ពេលនេះព្រះបាននាំម៉ូសេតាមមធ្យោបាយសម្ដែងល្ខោនដ៏រំជើបរំជួលជាងមុនទៅទៀត។ ការនេះបង្ហាញថា ព្រះមានគំនិតផ្តួចផ្ដើមលើគ្រប់ប្រវត្តិសាស្រ្ត។ សព្វថ្ងៃនេះ តើព្រះដ៏ជាម្ចាស់នៃប្រវត្តិសាស្រ្តដឹកនាំយើងយ៉ាងណា?

គិត និង ស្វែងយល់

            ម៉ូសេបានកើតក្នុងគ្រា ដែលស្ដេចផារ៉ោនចេញបង្គាប់ឲ្យកូនក្មេងប្រុសហេព្រើរត្រូវបោះទៅក្នុងទឹកទន្លេ ហើយគាត់ក៏ត្រូវទទួលនូវវាសនាអាក្រក់នេះដែរ។ តែព្រះបានជួយសង្គ្រោះម៉ូសេពីទន្លេនីលតាមរយៈបុត្រីផារ៉ោន។ ហើយគាត់ក៏បានធំធាត់ ដោយមានសុវត្ថិភាពក្នុងវាំងរបស់ផារ៉ោន។ ជាងនេះទៅទៀត ព្រះបានធ្វើឲ្យម្ដាយបង្កើតរបស់ម៉ូសេ ក្លាយជាមេដោះរបស់គាត់ ដើម្បីចិញ្ចឹមម៉ូសេឲ្យធំធាត់នៅក្នុងវាំងអេស៊ីព្ទ ដោយមិនបាត់បង់នូវអត្តសញ្ញាណ ជាសាសន៍ហេព្រើររបស់ខ្លួនឡើយ (១-១០)។

តើព្រះកំពុងបង្រៀនអ្វីដល់ខ្ញុំ?

          ១-២ ឪពុកម្ដាយម៉ូសេមិនព្រមធ្វើតាមបញ្ជារបស់ផារ៉ោនឡើយ ហើយដោយសារជំនឿ (ហេព្រើរ ១១:២៣)។ គេក៏មិនយកកូនខ្លួនទៅបោះក្នុងទន្លេដែរ។ សព្វថ្ងៃនេះ តើយើងមិនព្រមបោះកូនយើងទៅក្នុងសំរាមនៃជោគជ័យ តាមការបង្គាប់នៃលោកិយទេឬ? ចូរស្វែងរកជំនឿ ដែលអាចជួយឲ្យយើងចិញ្ចឹមកូនចៅឲ្យក្លាយជាក្មេងល្អ (២) នៅចំពោះព្រះ ជាជាងការស្វែងរកជោគជ័យក្នុងលោកិយនេះ។

អានគម្ពីរ៖ និក្ខមនំ ៣៣-៣៥

អធិស្ឋាន៖ សូមជួយយើងខ្ញុំ និងរាស្រ្តរបស់យើងខ្ញុំឲ្យរួចពីសំរាមនៃអាណាចក្រនេះ។

©សម្ព័ន្ធព្រះបន្ទូលកូរ៉េ និងCTM

https://www.facebook.com/phnompenhjoychurch/?ref=hl